ბორჯომში ინფრასტრუქტურული სამუშაოები 15 ობიექტზე მიმდინარეობს

პროექტის ფარგლებში სარეაბილიტაციო სამუშაოები 15 ობიექტზე- წმ.ნინოს, რუსთაველის, 300 არაგველის, გოგიასციხის, თორის, სააკაძის, ნიკოლაძის, დუმბაძის, რობაქიძის, ვაჟა-ფშაველას ქუჩებზე და სოფელ ყვიბისში განხორციელდა.

სამუშაოების მწარმოებლის განცხადებით, რიგი ობიექტების რეაბილიტაცია დასრულებულია, ნაწილზე კი მოაჯირებისა და გარე განათების მოწყობა და სამღებრო სამუშაოებია დარჩენილი.

მოწესრიგებული ინფრასტრუქტურა უზრუნველყოფს მოქალაქეების უსაფრთხოდ და კომფორტულად გადაადგილებასა და ქუჩების იერსახის სრულყოფას.

სამუშაოები ადგილობრივი ბიუჯეტიდან 88 673 ლარით დაფინანსდა.

[sknews.ge]