ფოტოპროექტი: ადამიანები სხვილისიდან [Photo]

77 წლის მკრტჩ იგიდბაშიანი –მეუღლესთან ერთად სუჯუხს ამხადებს. სუჯუხის დასამზადებლად სოფელ სხვილისში საკლავს შემოდგომზე კლავენ, საუკეთესო ხორცისგან კი სუჯუსხს და ბასტურმას ამზადებენ. იგიტბაშიანებს ოთხი შვილი ყავს, სამი ვაჟი და ერთი გოგო, ოთხივე რუსეთში ცხოვრობს. მკრტჩი ამბობს, რომ შვილები რუსეთში სასწავლებლად წავიდნენ და დარჩნენ. დღემდე იქ ცხოვრობენ. მეუღლეს ამ თემაზე საუბარი არ სურს და არც ცალია, აივანზე გაფენილი ნახევრად გამშრალი ხორცი მეუღლესთან ჩამოაქვს დასაბეგვად. დაბეგვილს კი ისევ მზეზე ფენს.

იგიდბაშიანი ამბობს, რომ ბასტურმის და სუჯუხის დამზადებას დიდი შრომა უნდა, თუმცა ღირს, რადგან ძალიან გემრიელია. სუჯუხი და ბასტურმა სხვილისში საახალწლო სუფრაზე რომ არ იყოს წარმოუდგენელია.



68 ისკუი აფრამიანი – სოფელ სხვილისში მარტო ცხოვრობს. შვილები წლებია რუსეთში ცხოვრობენ. ზამთრისთვის ბაღებიდან უკვე ყველაფერი მომარაგებული აქვს, ახლა მეზობელთან ერთად თუთის ჩირისგან ჩურჩხელას ამზადებს. უკვე გასაშრობად აქვს აივანზე გამოფენილი სუჯუხი, ბასტურმა და კარალიოკის ჩირი. ჩქარობს, რადგან ახალწლამდე ყველაფერი მზად უნდა ქონდეს, რომ შვილიშვილებს გაუგზავნოს, მალე თავადაც წავა და მშობლიურ სოფელში გაზაფხულზე დაბრუნდება.






[თინათინ ზაზაძე, ახალციხე]