2016 წლის აპრილიდან მასწავლებელთა საშუალო ხელფასი 600–700 ლარი იქნება

განათლების და მეცნიერების მინისტრმა თამარ სანიკიძემ მთავრობის სხდომაზე განაცხადა, რომ 2012 წელთან შედარებით 60%-იანი ზრდა არის საბაზო ხელფასის.

“მაგრამ არ დაგვავიწყდეს, რომ საბაზო ხელფასის ზრდა უფრო მეტად ზრდის კიდევ საშუალო ხელფასს. მასწავლებლის საშუალო ხელფასი უკვე 2016 წლის აპრილში გვექნება 600-700 ლარი”, – განაცხადა თამარ სანიკიძემ.

პედაგოგებისათვის ხელფასების ზრდის თაობაზე საქართველოს პრემიერ მინისტრმა, ირაკლი ღარიბაშვილმაც ისაუბრა. მისი განმარტებით, ჯანდაცვის შემდეგ ყველაზე დიდი ფინანსური რესურსი მობილიზებული იქნება განათლებაზე.

პრემიერის თქმით, 2015 წლის 1 აპრილიდან პედაგოგების ხელფასების ზრდის მეორე ეტაპი დაიწყო და გახდა 405 ლარი, ეს გაგრძელდება გაისადაც.

[ნინო ნარიმანიშვილი, ახალციხე]