‘რა, სად, როდის’ –შეჯიბრი ახალციხის სკოლებს შორის

ქალაქის სკოლებს შორის შეჯიბრი ქალაქ ახალციხის მერიის კულტურის სამსახურის ორგანიზებით გაიმართა. ხუთი საჯარო და ერთი კერძო სკოლის მოსწავლეებს შორის გამარჯვებული სპეციალურმა ჟიურიმ გამოავლინა, რომელში ქალაქის მერი გიორგი კოპაძე, მისი მოადგილე ზაზა თამარაშვილი, საკრებულოს დეპუტატი დავით ლომიძე და ახალციხის საგანმანათლებლო რესურსცენტრის უფროსი ხათუნა ხმალაძე იყვნენ.

„გამოვლინდა ორი გამარჯვებული, ანუ ვინც ყველაზე მეტი შეკითხვა გამოიცნო პირველ ადგილზე გავიდა, შედარებით ნაკლები ვინც გამოიცნო მეორეზე. თითო ჯგუფში ექვსი მოსწავლე იყო და გამარჯვებულებს საჩუქრად წიგნები გადავეცით“, – ამბობს ქალაქ ახალციხის მერიის კულტურის სამსახურის უფროსი მარინა ჯინჭველაძე.

ინტელექტუალური თამაში „რა, სად, როდის“ ახალციხის სახელმწიფო უნივერსიტეტის სტუდენტებს შორისაც ჩატარდება.

[თამარ თოთაძე, ახალციხე]