2016 წელს, სამცხე–ჯავახეთში, 10 სკოლა გარემონტდება და 3 აშენდება

თამარ სანიკიძემ არალში სკოლის მშენებლობის პროცესი მოინახულა. ფოტო "სამხრეთის კარიბჭეს" არქივიდან, 11.03.2015

საქართველოს განათლებისა და მეცნიერების სამინისტროს ინფორმაციით, სამცხე–ჯავახეთში 2016 წელს 10 საჯარო სკოლის რეაბილიტაცია იგეგმება. ადიგენში სოფელ ჭელისა და მოხის სკოლების რეაბილიტაცია იგეგმება, ასპინძაში დაგეგმილია ორგორის საჯარო სკოლის რეაბილიტაცია, რაც შეეხება ახალქალაქს აქ იგეგმება ბარალეთის პირველი საჯარო სკოლის, ბუზარეთის, კუმურდოსა და ხულგუმოს საჯარო სკოლების რეაბილიტაცია. ნინოწმინდის მუნიციპალიტეტში, ტამბოვკას, ორლოვკას და ხანჩალის სკოლებს ჩაუტარდება რეაბილიტაცია.

გარდა ამისა, სამინისტროს ინფორმაციით, სამცხე–ჯავახეთში იგეგმება კიდევ შვიდი სკოლის რეაბილიტაცია, რომელიც „ათასწლეულის გამოწვევის ფონდის" პროგრამის ფარგლებში გაკეთდება.

რაც შეეხება სკოლების მშენებლობას, სამცხე–ჯავახეთში 2016 წელს სამი ახალი სკოლის მშენებლობა დასრულდება, ეს არის ადიგენის მუნიციპალიტეტში სოფლების არალისა და ღორთუბნის საჯარო სკოლები, ხოლო ახალქალაქის მუნიციპალიტეტში - სოფელ პტენაში.

გარდა ამისა, 2016 წელს დასრულდება კოლეჯ „ოპიზარის“ რაბილიტაცია. ასევე მომავალ წელს დაიწყება ახალციხეში მასწავლებლის სახლის მშენებლობა.

„ეს არის ის, რაც ამ ეტაპისთვის განსაზღვრულია. მაგრამ ეს არ ნიშნავს, რომ ეს ინფორმაცია არ შეიცვლება, შესაძლებელია კიდევ გაიზარდოს სკოლების რიცხვი. რადგან განათლების სამინისტროში 2016 წლის სამოქმედო გეგმაზე ამ წუთასაც მიმდინარეობს მუშაობა და გარკვეული კორექტირებაშედის“, – აცხადებენ განათლებისა და მეცნიერების სამინისტროში.

[თამარ თოთაძე, ახალციხე]