ფრანგმა გამომგონებლებმა ახალციხეში ელექტრო მანქანა წარადგინეს [Photo]

საფრანგეთში მცხოვრებ სამ სტუდენტს „თუქ, თუქ ფაქტორი“–ს, ელექტრო მანქანის შექმნის სურვილი მას შემდეგ გაუჩნდა, რაც ტაილანდში მოგზაურობისას მსგავსი მანქანა ნახეს.

„ჩვენი მიზანია მოსახლეობას ვანახოთ, რომ ეს მანქანა ეკოლოგიურად სუფთაა და გარემოს არ აზიანებს. ამ მანქანით მოგზაურობა ძალიან საინტერესოა, ჩვენ მას, ქართული სახელი „თამუნა“ შევურჩიეთ“,– ამბობს ფრანგი გამომგონებელი ფერნანდეს რემი.

ფრანგ სტუდენტებს ახალციხეში ადგილობრივი ხელისუფლების წარმომადგენლები დახვდნენ.

„ ვფიქრობ, რომ ამ მანქანის გამოგონება საინტერესო ფაქტია. ვნახოთ როგორ გამოცდიან ახალგაზრდები ავტომობილს“, – განაცხადა ახალციხის მერის მოადგილემ ზაზა თამარაშვილმა.

გამომგონებლები საქართველოს გუშინ ესტუმრნენ. ქართველ მოსახლეობას ელექტორ მანქანა ჯერ თბილისში აჩვენეს შემდეგ, კი ახალციხეში გადმოინაცვლეს. ახალგაზრდები ახალციხეს ხვალ, 28 ოქტომბერს დატოვებენ და ბათუმის გავლით, თურქეთის რესპუბლიკას ესტუმრებიან.

როგორც თვითონ ამბობენ, დაგეგმილი 15 ქვეყნიდან 7 ქვეყანა ელექტრო მანქანით უკვე მოიარეს. დარჩენილი ქვეყნებში მოგზაურობას კი ოთხ თვეში დაასრულებენ.







[ვარლამ წიკლაური, ახალციხე]