ახალციხეში მოსწავლეებმა პოეზიის საღამო გამართეს

„ნორჩი პოეტების საღამოზე“ საკუთარი ლექსები ახალციხის მუნიციპალიტეტის 11 საჯარო სკოლის 19 მოსწავლემ წაიკითხა. ღონისძიება ახალციხის მუნიციპალიტეტის კულტურის სამსახურის ორგანიზებით და გამგეობის მხარდაჭერით გაიმართა.

„50 ლექსი მაქვს დაწერილი. ვწერ საზოგადოებისთვის მნიშვნელოვან თემებზე, რელიგიაზე და სიკვდილზე“, – ამბობს მუსხის საჯარო სკოლის მოსწავლე ანა მაისურაძე.

პოეზიის საღამოს ახალციხის მუნიციპალიტეტის გამგეობის წარმომადგენლები, მოსწავლეების მშობლები, მასწავლებლები და სამცხე–ჯავახეთის სახელმწიფო უნივერსიტეტის თანამშრომლები დაესწრნენ.

ღონისძიებისთვის ადგილობრივი ბიუჯეტიდან 300 ლარი გამოიყო. მოსწავლეებს საჩუქრად ქართველი პოეტების ლექსები გადაეცათ.

[თინათინ ზაზაძე, ახალციხე]