ბორჯომში 300–მდე ოჯახს საწვავ შეშას გადასცემენ

ბორჯომის მუნიციპალიტეტის გამგებლის დიმიტრი ყიფიანის განცხადებით, მომარაგდება ყველა ის ოჯახი, რომელიც დარეგისტრირებულია სოციალურად დაუცველთა ბაზაში და მინიჭებული აქვს სარეიტინგო ქულა 30.000 ან მასზე ნაკლები.

ადგილობრივი ხელისუფლების ინიციატივით, სამ კუბურ მეტრ საშეშე მერქანს წელს 300–მდე ბენეფიციარი მიიღებს.

„ამ ეტაპზე შეშის დარიგება მიმდინარეობს სოფლებში, შემდგომ კი დაიწყება მისი განაწილება ქალაქში, რასაც ა(ა)იპ „დასუფთავება კეთილმოწყობის“ სამსახური უზრუნველყოფს“, – აცხადებენ ბორჯომის მუნიციპალიტეტის გამგეობაში.

ბორჯომის მუნიციპალიტეტის გადაწყვეტილებით, პლატოს ტერიტორიაზე, სანიტარულ ჭრები მაისის თვეში დაიწყო. მომავალში პლატოს ტერიტორიაზე ტყის აღდგენითი სამუშაოების განხორციელება იგეგმება.

[sknews.ge]