„კონფლიქტები სამხრეთ კავკასიაში“ – ახალციხეში დისკუსია გაიმართება

მრგვალი მაგიდა სახელწოდებით, „რეგიონული უსაფრთხოების გამოწვევები და კონფლიქტები სამხრეთ კავკასიაში“, დღეს, 25 მარტს, 14:00 საათზე გაიმართება. იგი „ნაციონალიზმისა და კონფლიქტების კვლევის ინსტიტუტისა“ და „კავკასიური სახლის“ ორგანიზებით ხორციელდება.

თემის შესახებ ისაუბრებენ: პაატა ზაქარეიშვილი - ექსპერტი; ბექა ბაჯელიძე - (IWPR) კავკასიის პროგრამის დირექტორი; გიორგი ანდღულაძე - „დემოკრატ მესხთა კავშირის“ აღმასრულებელი დირექტორი;

მოდერატორი: ნინო კალანდარიშვილი - „ნაციონალიზმისა და კონფლიქტების კვლევის ინსტიტუტის“ გამგეობის თავმჯდომარე.

შეხვედრაზე აქცენტი გაკეთდება სამხრეთ კავკასიის კონფლიქტებზე, როგორც დღეისათვის არსებული სიტუაციის, ასევე რეგიონული უსაფრთხოების გამოწვევების კუთხით.

დისკუსია ტარდება პროექტის "სამხრეთ კავკასიაში მშვიდობის, უსაფრთხოებისა და სტაბილურობის ახალი არქიტექტურის ფორმირება’’ ფარგლებში, რომელიც ხორციელდება დიდი ბრიტანეთის მთავრობის ფინანსური მხარდაჭერით

[sknews.ge]