ახალციხეში ორჰუსის კონვენციის დანერგვის პრობლემებზე იმსჯელეს

შეხვედრა, საქართველოს საერთაშორისო განვითარების სააგენტოს ორგანიზებით შედგა.

გარემოსდაცვით საკითხებთან დაკავშირებული ინფორმაციის ხელმისაწვდომობა, გადაწყვეტილების მიღების პროცესში საზოგადოების მონაწილეობა და ამ სფეროში მართლმსაჯულების საკითხებზე ხელმისაწვდომობა – იყო ის ძირითადი თემები, რაზეც შეხვედრის მონაწილეები მსჯელობდნენ.

საქართველოს, საერთაშორისო განვითარების სააგენტოს ხელმძღვანელი, გიორგი ბახტურიძე ამბობს, რომ გარემოს დაცვით საკითხებში მოსახლეობის ჩართვა აუცილებელია.

„სამცხე–ჯავახეთში, სხვა რეგიონთან შედარებით, ინერტულობა გამოიკვეთა. მოსახლეობა, ინერტულია საკუთარი უფლებების საკითხში. ჩვენი მიზანია, გავააქტიუროთ საზოგადოება“, – განაცხადა გიორგი ბახტურიძემ.

მისი თქმით,სახელმწიფოს უნდა გაუჩნდეს ინტერესი, რომ გარემოს პრობლემებში მოსახლეობა ჩართოს.

[ვარლამ წიკლაური, ახალციხე]