DAAD სტუდენტებს გერმანიაში სწვლას სთავაზობს

DAAD -ის თბილისის საინფორმაციო ცენტრის ხელმძღვანელმა ელიზაბეტ ფენორმა სტუდენტებს მიაწოდა ინფორმაცია გერმანიის 24 უნივერსიტეტში გაცვლითი პროგრამებისა და სტიპენდიების შესახებ.

პროგრამაში მონაწილეობა შეუძლიათ, როგორც გერმანულენოვან ასევე ინგლისურენოვან სტუდენტებს.

იმ სტუდენტებისთვის, რომლებიც დაინტერესებული არიან გერმანიის უნივერსიტეტში სწავლით, ცალკე მოეწყო შეხვედრა გერმანულენოვან კაბინეტში. აქ მათდეტალური ინფორმაცია მიიღეს გაცვლითი პროგრამების შესახებ.

შეხვედრის ბოლოს სტუდნტებს გადასცეს საინფორმაციო ბუკლეტები გერმანიის უნივერსიტეტების შესახებ.

DAAD - ს (გერმანიის აკადემიური გაცვლის სამსახური) ლექტორები საქართველოში 1988 წლიდან მუშაობენ. 2004 წელს თბილისში გაიხსნა საინფორმაციო ცენტრი. ეს უკანასკნელი ინფორმაციას აწვდის დაინტერესებულ პირებს გერმანიაში სწავლისა და კვლევის შესაძლებლობების, ასევე გერმანიაში დაფინანსების მიღებისა და DAAD-ს სასტიპენდიო პროგრამების შესახებ. საინფორმაციო ცენტრის ინიციატივით ეწყობა კვალიფიკაციის ასამაღლებელი კურსები, სემინარები სტუდენტებისა და მასწავლებლებისთვის. DAAD ეხმარება ქართულ და გერმანულ უნივერსიტეტებს პარტნიორული პროგრამების განხორციელებაში.

[ნუკა სტეფნაძე, ახალციხე]