„საერთაშორისო განათლების ცენტრის” პრეზენტაცია სტუდენტებისთვის

ახალციხელ სტუდენტებთან შეხვედრა ახალციხის სახელმწიფო სასწავლო უნივერსიტეტის სამეცნიერო ბიბლიოთეკაში შედგა.

ცენტრის წარმომადგენლებმა სტუდენტებს სხვადასხვა პროგრამები შესთავაზეს და საზღვარგარეთ სწავლების ძირითადი მოთხოვნები გააცნეს.

”საერთაშორისო განათლების ცენტრის” პროგრამების მენეჯერმა ნათია ნანავამ ყურადღება იმ წვრილმანებზე გაამახვილა, რომელიც საზღვარგარეთ სწავლის მსურველებმა აუცილებლად უნდა გაითვალისწინონ.

პრეზენტაცია კითხვა პასუხის რეჟიმში მიმდინარეობდა და სტუდენტებმა მათთვის სასურველ კითხვებზე ამომწურავი პასუხი მიიღეს. დასასრულს, ორგანიზატორებმა მონაწილეებს საინფორმაციო ბუკლეტები დაურიგეს.

“საერთაშორისო განათლების ცენტრი” ფონდ “ღია საზოგადოება-საქართველოს” ოპერაციული პროგრამის-საერთაშორისო განათლების საკონსულტაციო ცენტრის ბაზაზე შეიქმნა. ორგანიზაციის მიზანი სტუდენტებისა და პროფესიონალების დახმარებაა, რათა მათაც ისარგებლონ საერთაშორისო განათლების შესაძლებლობებით და აიმაღლონ ცოდნა.

ცენტრმა პრეზენტაცია დღეს ახალციხის ამერიკის კუთხეშიც გამართა. ხვალ კი პრეზენტაცია ბორჯომის მესამე საჯარო სკოლაში გაიმართება.

[ნინო ბერიძე, ახალციხე]