მინიფეხბურთის ჩემპიონატი უნივერსიტეტში

შესარჩევი მატჩები 8 ოქტომბერს დაიწყო 12 ოქტომბერს დასრულდება. უნივერსიტეტში არსებული ოთხი ფაკულტეტიდან 14 გუნდი ჩამოყალიბდა.

შესარჩევი მატჩების დამთავრების შემდეგ, 15 ოქტომბრიდან მერვედფინალური, მეოთხედფინალური, ნახევარფინალური და ფინალური თამაშები გაიმართება. შეხვედრები ერთ კვირას გაგრძელდება.

უნივერსიტეტის თვითმმართველობის პრეზიდენტის, ზვიად ნადირაძის განცხადებით, გამარჯვებულებს თასი და სერთიფიკატები გადაეცემათ.

მისივე თქმით, გამარჯვებული გუნდის წევრები აქტიურად ჩაერთვებიან თვითმმართველობის მიერ დაგეგმილ ღონისძიებებსა და ექსკურსიებში.

გამარჯვებული ფაკულტეტი 19 ოქტომბერს, ფინალურ მატჩზე გამოვლინდება.

[ნინო ზედგინიძე, ახალციხე]