მოხალისეთა პროგრამა ბორჯომის დაცულ ტერიტორიაზე

პროგრამის ფარგლებში სტუდენტები 10 დღის განმავლობაში, კარვებში, საველე პირობებში იცხოვრებენ. გაეცნობიან დაცული ტერიტორიების სპეციფიკას, დაასუფთავებენ და მოაწესრიგებენ სარეკრეაციო ზონებს, მონაწილეობას მიიღებენ ინფრასტრუქტურის რეაბილიტაციაში და დაეხმარებიან ადგილობრივ მოსახლეობას.

ბორჯომის გარდა, აღნიშნული პროექტი ხორციელდება საქართველოს ოთხ დაცულ ტერიტორიაზე: ლაგოდეხი, მტირალა, თუშეთი და ოკაცე.

2015 წელს მოხალისეთა პროგრამაში აგრარული და თავისუფალი უნივერსიტეტების 600-მდე პირველკურსელი სტუდენტია ჩართული.

„დაცული ტერიტორიების სააგენტო სტუდენტებთან თანამშრომლობით საფუძველს უყრის პრაქტიკული განათლების ინოვაციურ მიდგომას. პროგრამა უზრუნველყოფს ახალგაზრდების გარემოსდაცვითი ცნობიერების ამაღლებას და დაცული ტერიტორიების პოპულარიზაციას“, – აცხადებენ დაცული ტერიტორიების სააგნეტოში.

[ნინო ნარიმანიშვილი, ახალციხე]