1 მლნ ევრო საქართველოს ეროვნულ პარკებს

საქართველოს ეროვნულ პარკებს, ერთი მილიონი ევროს ოდენობის გრანტი, კავკასიის ბუნების დაცვის ფონდისგან გადაეცემა.

საგრანტო ხეშეკრულებას ხელი გარემოსა და ბუნებრივი რესურსების დაცვის მინისტრმა ელგუჯა ხოკრიშვილმა, დაცული ტერიტორიების სააგენტოს თავმჯდომარემ გიორგი შონვაძემ და კავკასიის ბუნების ფონდის პროგრამის დირექტორმა დანიელ სეპიკმა მოაწერეს.

გარემოს დაცვის სამინისტროში აცხადებენ, რომ ხელშეკრულება ვაშლოვანის, თუშეთის, ყაზბეგის, კინტრიშის, ჯავახეთის და ალგეთის დაცული ტერიტორიების ინფრასტრუქტურის განახლებას ითვალისწინებს.

„ხელშეკრულება უზრუნველყოფს 3 წლის მანძილზე ცხოველთა სამყაროს სახეობაზე მონიტორინგის სისტემის შექმნას, ტურისტულ ინფრასტრუქტურის აღდგენას, მათ მოვლა-შენახვას, სახელფასო დანამატს, საკონსულტაციო მომსახურეობასა და სხვა საოპრეაციო ხარჯებს“, - აცხადებენ საქართველოს გარემოსა და ბუნებრივი რესურსების დაცვის სამინისტროში.

„მოხარულები ვართ, რომ ამ გრანტის მეშვეობით ვეხმარებით საქართველოს. შეთანხმებისთანახმად, დაცულ ტერიტორიების რეინჯერებს გადაეცემათ ახალი აღჭურვილობა, ასევე თანამშრომლებს გაეზრდებათ ხელფასები და განახლდება დაცული ტერიტორიების ინფრასტრუქტურა“, - განაცხადა კავკასიის ბუნების ფონდის პროგრამის დირექტორმა დანიელ სეპიკიმ.

[ნინო ნარიმანიშვილი, ახალციხე]