‘ქალები, როგორც ამომრჩევლები’ – დისკუსია ახალციხეში

შეხვედრა დღეს, 29 ივნისს, ახალციხის დემოკრატიული ჩართულობის ცენტრში შედგა.

ახალციხის გენდერის მედიაცენტრის დირექტორმა გენდერული კლუბის წევრებს გააცნო მონაცემები, როგორი იყო ქალთა ჩართულობა საქართველოში ჩატარებულ ბოლო არჩევნებზე. რას სთავაზობდნენ ამ არჩევნებში მონაწილე კვალიფიციური სუბიექტების პროგრამები ქალებს და თავად ქალები რას ელოდებიან პოლიტიკური პარტიებისგან.

„ფაქტობრივად, ჩვენ გავაანალიზეთ ქალთა ჩართულობა პოლიტიკურ პროცესებში და ამ ანალიზის დროს დავეყრდენი მედიის განვითარების მიერ ჩატარებული ძალიან საინტერესო კვლევის შედეგებს. ისევე როგორც ჩემთვის, ახალგზარდებისთვისაც ბევრი დეტალი აღმოჩნდა საინტერესო“, – ამბობს ახალციხის გენდერის მედიაცენტრის დირექტორი ნინო ნარიმანიშვილი.

ახალციხეში ახალგაზრდული გენდერული კლუბი NDI-ს მიერ დაფინანსებული პროექტის, „ერთად გენდერული თანასწრობისაკენ“ ფარგლებში ჩამოყალიბდა. კლუბის წევრები სისტემატურად ხვდებიან გენდერის თემაზე მომუშავე ადამიანებს.

„პროექტის მიზანი ახალგაზრდებში ცნობიერების ამაღლებაა“, – ამბობს „ერთად გენდერული თანასწრობისაკენ“ პროექტის თანაკოორდინატორი თამუნა კაპანაძე.

[ვარლამ წიკლაური, ახალციხე]