ახალციხის გენდერის მედიაცენტრში „გენდერული საუბრები“ გაიმართება

შეხვედრის მთავარი თემა იქნება – ქალები ადგილობრივ თვითმმართველობაში, მათი პოზიციები, როლი და სირთულეები.

თვითმმართველობის საკითხების სპეციალისტებისგან მოვისმენთ რა ფუქციები აქვთ მათ და კონკრეტულად რა საკითხებს ლობირებენ ადგილობრივ ხელისუფლებაში.

შეხვედრას ქალაქ ახალციხის მერიის, ასევე, ახალციხის, ადიგენის, ასპინძისა და ბორჯომის მუნიციპალიტეტებში გენდერის საკითხების სპეციალისტები, სტუდენტები და ჟურნალისტები დაესწრებიან.

„გენდერული საუბრები“ გაიმართება პროექტის „აირჩიე თანასწორობა“ ფარგლებში, რომელსაც ახორციელებს "ჟურნალისტთა ქსელი გენდერული თანასწორობისათვის" საარჩევნო სისტემების განვითარების, რეფორმებისა და სწავლების ცენტრის მხარდაჭერით.

ახალციხის გენდერის მედიაცენტრის მისამართია: ახალციხე, დიდიმამიშვილის ქუჩა, N16. დამატებითი ინფორმაციისთვის დაუკავშირდით ცენტრის დირექტორს. ტელ.: 592 92 64 29

[sknews.ge]