ახალციხეში შშმ პირების საარჩევნო პროცესებში ჩართულობაზე იმსჯელეს

მოძრაობამ „ხელმისაწვდომი გარემო ყველასათვის“ პროექტის პრეზენტაცია დღეს, 25 ივნისს, ახალციხის დემოკრატიული ჩართულობის ცენტრში გამართა.

პროექტი, ცენტრალური საარჩევნო კომისიის დაფინანსებით, საქართველოს ორ რეგიონში ხორციელდება: აჭარასა და სამცხე–ჯავახეთში. ბათუმსა და ახალციხეში შეიქმნება ინკლუზიური ჯგუფები, რომლებიც სხვადასხვა აქტივობებს განახორციელებენ.

"ეს იქნება სხვადასხვა პერფორმანსები, ბლოგები, ვიდეო–რგოლები, ტრენინგები და საზაფხულო სკოლა. ჩვენი დღევანდელი შეხვედრა ინფორმაციული ხასიათისაა, ახალგაზრდებს ვხვდებით იმისთვის, რომ გავაცნოთ რას ვგეგმავთ სამომავლოდ. გამოვაცხადებთ ასევე ესეების კონკურსს, რომლის საშუალებითაც შემდეგ ახალგაზრდები მონაწილეობას მიირებენ საზაფხულო სკოლაში", – განმარტა პროექტის ერთ–ერთმა ხელმძღვანელმა თამო ლაფერაძემ.

[თამარ თოთაძე, ახალციხე]