ახალციხეში "საარჩევნო განვითარების სკოლა" გაიხსნა

სასწავლო კურსის ფარგლებში, ახალციხეში სულ 25 ახალგაზრდა დარეგისტრირდა, სწავლებას 23 მათგანი, ათი დღის განმავლობაში, შემდეგ საკითხებზე გაივლის:

არჩევნო სისტემები, საარჩევნო ადმინისტრაცია, დემოკრატიული საარჩევნო პრინციპები, არჩევითი ორგანოები საქართველოში, არჩევნებში ჩართული მხარეები, არჩევნების გამჭვირვალობა და ხელმისაწვდომობა, გენდერული თანასწორობა, ასევე ევროპარლამენტის არჩევნები.

კურსი17 ივლისიდან დაიწყო და 28 ივლისის ჩათვლით გაგრძელდება.

მსგავსი სკოლები საქართველოს 23 მუნიციპალიტეტში გაიხსნა. მთლიანობაში სწავლებას 500-ზე მეტი ახალგაზრდა გაივლის.

"საარჩევნო განვითარების სკოლა" 2015 წელს 10 საარჩევნო ოლქში დაიწყო. პროექტის მიმართ მზარდი ინტერესის გამო 2016 წელს ის 20 მუნიციპალიტეტში განხორციელდა, წელს კი ეს რაოდენობა 23-მდე გაიზარდა. სასწავლო კურსი ტარდება გურჯაანში, სიღნაღში, თელავში, ახმეტაში, რუსთავში, გარდაბანში, მარნეულში, დუშეთში, გორში, ახალგორში (წეროვანი - დევნილთა დასახლება), ბორჯომში, ახალციხეში, ამბროლაურში, საჩხერეში, ზესტაფონში, ქუთაისში, სამტრედიაში, ოზურგეთში, სენაკში, ზუგდიდში, ფოთში, ბათუმსა და ქობულეთში.

პროექტი ევროპის საბჭოს (CoE) ფინანსური მხარდაჭერით ხორციელდება. წელს უკვე მეორედ, ცესკომ პროექტის განსახორციელებლად ევროსაბჭოს პირდაპირი გრანტი მიიღო. პროექტს ცესკო და სწავლების ცენტრი, საარჩევნო სისტემების საერთაშორისო ფონდთან (IFES) თანამშრომლობით ახორციელებენ.

[sknews.ge]