ადიგენის გამგეობამ გამწვანების სანიტარული ჭრისთვის 6520 ლარი გამოყო

ადიგენის მუნიციპალიტეტის გამგეობამ გამწვანების სანიტარული ჭირსთვის გამარტივებული ტენდერი 3 ივნისს, 6520 ლარზე გამოაცხადა.

ადიგენის მუნიციპალიტეტის საკრებულოს დეპუტატები „ნაციონალური მოძრაობიდან“ ფიქრობენ, რომ სანიტარული ჭრისთვის ამხელა თანხის გათავლიწინება არ იყო საჭირო.

„ვფიქრობ, რომ ალოგიკურია ამხელა თანხის გამოყოფა რამდენიმე ათეული კუბამეტრი სანიტარული ჭირსთვის“, – ამბობს ადიგენის მუნიციპალიტეტის საკრებულოს ფრაქცია „ნაციონალური მოძრაობის“ თავმჯდომარე თემურ ფეიქრიშვილი.

ადიგენის მუნიციპალიტეტის გამეობაში კი აცახდებენ, რომ აღნიშნული თანხის გამოყოფა რთულად შესარულებელი სამუშაოს გამო გაითვალიწინეს.

„ხეები არის ისეთ მდგომარეობაში, რომ არსებობს საშიშროება კორპუსებს დაეცეს, ამისთვის საჭიროა სპეციალური ტექნიკის მუშაობაც, ამიტომ არის ამდენი თანხა გამოყოფლი. თანხა შეცოტავებულია მაქსიმალურად“, – ამბობს ადიგენის მუნიციპალიტეტის გამგებლის მოადგილე მინდია ჯელია.

"ქრისტიან – კონსერვატიული" ფრაქციის თავმჯდომარე რატი ტატალაშვილი ამბობს, რომ მიუხედავად სირთულეებისა თანხა მაინც ძალიან დიდია: „მუნიციპალიტეტი როდესაც ზამთრის სეზონისთვის საშეშე მერქანს ყიდულობს იმის ნახევარი თანხა ჯდება და როგორ ფიქრობთ იქ ხე არ იჭრება და იგივე პროცედურა არ არის ჩასატარებელი? ტყეში უფრო ძნელია მოჭრა, გამოტანა, დასაწყობება და ტრანპორტირება, თუ მუნიციპალიტეტის ტერიტორიაზე არსებული მწვანე ნარგავების გადაბელვა?“,– ამბობს იგი.

საერთო ჯამში, დაბა აბასთუმანში 46 ხეს უნდა ჩაუტარეს სანიტარული ჭრა, ადიგენში 7–ს, არალში კი – 3–ს.
ადიგენის მუნიციპალიტეტის გამგეობის მიერ გამოცხადებულ გამარტივებულ ელექტრო ტენდერში მონაწილეობა სამმა პრეტენდენტმა მიიღო. 3986 ლარით გამარჯვა ინდ. მეწარმე „ზურაბ სამარჯიშვილმა“, რომელმაც ხელშეკრულება ადიგენის გამგეობასთან 29 ივნისამდე უნდა გააფორმოს.



[თინათინ ზაზაძე, ადიგენი]