ლია სულუაშვილი ქალის როლის საუკეთესო შესრულებისთვის დააჯილდოვეს

ფესტივალზე მესხეთის თეატრს სპექტაკლი „აივანი“ ჰქონდა წარდგენილი. ლია სულუაშვილი სპექტაკლის მთავარი გმირის, „ფერმონიას“ როლს ასრულებდა. მას დიპლომი და ფულადი ჯილდო გადაეცემა.

მესხეთის თეატრი ამ ფესტივალში მეორე წელია მონაწილეობს. გასულ წელს, სპექტაკლით „მე მინდა კნეინა გავხდე“ უმაღლესი ჯილდო, „გრამპრი“ მოიპოვა.

„გიორგი ერისთავის სახელობის კომედიის ფესტივალი“ ფონდ REG Art-ის პირველი მასშტაბური პროექტია და მეორე წელია გორში იმართება. წელს მასში15 პროფესიული თეატრალური დასი მონაწილეობდა.

ფესტივალი გორის მერის პატრონაჟით, საქართველოს კულტურისა და ძეგლთა დაცვის სამინისტროს, გორის ერისთავის სახელობის პროფესიული, სახელმწიფო, დრამატული თეატრის, „ლიბერთი ბანკის“, ჯგუფ „ედვაიზის“ და „ბიზარტისა“ და ჯაზ-ბენდ „კანუდოსის“ მხარდაჭერით ხორციელდება.

[ვარლამ წიკლაური, ახალციხე]