საქართველოში ოთხი დღის განმავლობაში წვიმაა მოსალოდნელი

გარემოს ეროვნული სააგენტოს მონიტორინგისა და პროგნოზირების ცენტრის მოკლევადიანი პროგნოზების სამმართველოს ინფორმაციით, დღეს, 20 ივნისს და შემდგომი სამი დღის განმავლობაში საქართველოს უმეტეს რაიონებში დღისა და ღამის საათებში პერიოდულად მოსალოდნელია ხანმოკლე წვიმა, ელჭექით, ზოგან ძლიერი წვიმა და შესაძლებელია იყოს სეტყვა.

სეტყვა მოსალოდნელია დასავლეთ საქართველოს მთიან რაიონებში და აღმოსავლეთ საქართველოს ბარში.

დასავლეთ საქართველოში დღის მაქსიმალური ტემპერატურა 25-30 გრადუსი იქნება, მაღალმთაში 25 გრადუსი.

აღმოსავლეთ საქართველოში მოსალოდნელია 31-36 გრადუსი. ამასთან, შემდეგი სამი დღის განმავლობაში მაღალმთაში ჰაერის საშუალო ტემპერატურა შემცირდება და 22 გრადუსი იქნება.

[Sknews.ge]