15 ივლისამდე აღმოსავლეთ საქართველოში წვიმაა მოსალოდნელი

დღეს, 9 ივლისს აღმოსავლეთ საქართველოს ზოგიერთ მუნიციპალიტეტში წვიმაა მოსალოდნელი. დასავლეთ საქართველოში და შავი ზღვის სანაპიროზე კი ძირითადად მზიანი ამინდი იქნება, დროგამოშვებით მოიღრუბლება.

აღმოსავლეთ საქართველოში ჰაერის მაქსიმალური ტემპერატურა დღისით 29 გრადუსი იქნება; დასავლეთ საქართველოში - 25-29 გრადუსი, თბილისში -28 გრადუსი.

10 ივლისიდან 14 ივლისამდე აღმოსავლეთ საქართველოს ცალკეულ მუნიციპალიტეტებსში მათ შორის, თბილისში, ღამისა და საღამოს საათებში დროგამოშვებით მოსალოდნელია ხანმოკლე წვიმა ელჭექით. ზოგან შესაძლებელია იყოს სეტყვა.

14-15 ივლისს საქართველოს უმეტეს მუნიციპალიტეტებში ღამის საათებში მოსალოდნელია ხანმოკლე წვიმა ელჭექით, ზოგან ძლიერიც. აღმოსავლეთ საქართველოში კი, შესაძლებელია იყოს სეტყვა.

[sknews.ge]