ორი დღის განმავლობაში საქართველოში წვიმაა მოსალოდენლი

დასავლეთ საქართველოში დღეს, 29 ივლისს დღისით ჰაერის მაქსიმალური ტემპერატურა 30 გრადუსამდე იქნება. აღმოსავლეთ საქართველოში, კერძოდ შიდა ქართლში, დაახლოებით 32-34 გრადუსი, ხოლო კახეთის ზოგიერთ რაიონში - 37-39 გრადუსი, თბილისში კი 38 გრადუსამდე დაფიქსირდება.

დასავლეთ საქართველოში გრილი მასების შემოსვლის შედეგად, საქართველოში ჰაერის ტემპერატურა რამდენიმე გრადუსით დაიკლებს.

დღეს ღამით დასავლეთ საქართველოს უმეტეს, ხოლო აღმოსავლეთ საქართველოს ზოგიერთ რაიონში მოსალოდნელია ხანმოკლე წვიმა ელჭექით. ზოგან წვიმა შესაძლოა ხვალ დღისითაც იყოს.

ხვალ, 30 ივლისს დასავლეთ საქართველოში დღისით ჰაერის მაქსიმალური ტემპერატურა 24-29 გრადუსი იქნება. აღმოსავლეთ საქართველოში 30-31 გრადუსი, ხოლო კახეთში - 36 გრადუსი.

მომავალი კვირის დასაწყისშიც საქართველოში ძირითადად მზიანი ამინდია მოსალოდნელი, თუმცა სინოპტიკოსები ჰაერის ტემპერატურის მკვეთრ ზრდას არ პროგნოზირებენ. აღმოსავლეთში დღისით ჰაერის მაქსიმალური ტემპერატურა 33-36 გრადუსამდე იქნება.

წყარო: interpressnews.ge