საქართველოში 12 მაისამდე დროგამოშვებით იწვიმებს

დღეს, 6 მაისს დასავლეთ საქართველოს უმეტეს რაიონში ჰაერის მაქსიმალური ტემპერატურა 23-28 გრადუსი იქნება.

აღმოსავლეთ საქართველოს უმეტეს რაიონებში, მათ შორის თბილისში, მოსალოდნელია ხანმოკლე წვიმა, ელჭექით. ზოგან შესაძლებელია სეტყვა. დღისით ჰაერის მაქსიმალური ტემპერატურა 18-23 გრადუსი იქნება;

7 მაისს, დასავლეთ საქართველოს უმეტეს რაიონში დღის პირველ ნახევარში მზიანი ამინდი იქნება, თუმცა დღის ბოლოს იწვიმებს. ჰაერის მაქსიმალური ტემპერატურა 21-26 გრადუსია მოსალოდნელი, შავი ზღვის სანაპირო რაიონებში კი 15-20 გრადუსი.

აღმოსავლეთ საქართველოს უმეტეს რაიონებში, მათ შორის თბილისში, პერიოდულად შენარჩუნდება ხანმოკლე წვიმა ელჭექით. ზოგან შესაძლებელია სეტყვა. დღისით ჰაერის მაქსიმალური ტემპერატურა 21-26 გრადუსი იქნება;

8 მაისს, საქართველოს უმეტეს რაიონში, მათ შორის თბილისში, კვლავ შენარჩუნდება პერიოდულად ხანმოკლე წვიმა, ელჭექით. დღისით ჰაერის მაქსიმალური ტემპერატურა კი 22-27 გრადუსია მოსალოდნელი, თბილისში 25 გრადუსი.

[sknews.ge]