„ერისიონმა“ ახალციხეში საქველმოქმედო კონცერტი გამართა

კონცერტი წუთიერი დუმილით და მისასამძიმრებელი სიტყვით დაიწყო.

„ანსამბლი ერისიონის წევრები უერთდებიან საერთო სამძიმარს და მხარდაჭერას უცხადებენ სტიქიური უბედურების გამო დაზარალებულ მოსახლეობას“, - განაცხადეს ანსამბლის წევრებმა.

„ერისიონის“ მთავარი პროდიუსერი ალექსანდრე ლორთქიფანიძე ამბობს, რომ კონცერტი, რომელიც დღეს გაიმართა, დიდი ხნის წინ დაიგეგმა: „სამწუხაროდ, ეს ყველაფერი დაემთხვა იმ დიდი ტრაგედიას, რაც დატრიალდა თბილისში. თავიდან ვიფიქრეთ, რომ მოგვეხსნა კოცერტი, მაგრამ, არანაირად, შემოსული თანხა მთლიანად გადაერიცხება სტიქიის დროს დაზარალებულებს“.

მისი თქმით, ქუთაისისა და ფოთის შემდეგ, ახალციხე მესამე ქალაქია, სადაც „ერისიონი“ ანსამბლის 130 წლის იუბილეს აღნიშნავს.



[ვარლამ წიკლაური, ახალციხე]