'გზავნილი თბილისს' – ახალციხეში საქველმოქმედო კონცერტი გაიმართება

საქველმოქმედო აქცია–კონცერტი ახალციხის ციხის ტერიტორიაზე დღეს, 7 ივლისს გაიმართება. ბილეთი ციხის ტერიტორიაზე იყიდება, ფასი ხუთი ლარია და კონცერტიდან შემოსული თანხა თბილისში, 13 ივნისს სტიქიით დაზარალებულთა ფონდში გადაირიცხება.

აქცია–კონცერტი კომპანია Tbilisi City–ს ორგანიზებით საქართველოს 13 ქალაქში იმართება, მათ შორის ახალციხე პირველია. ახალციხის ციხის ტერიტორიაზე მაყურებლის წინაშე ჯგუფი "ფრანი", მარკუს მეტრეველი, ნიკი სლოუ და სხვა მომღერლები წარსდგებიან.

კონცერტი 19:00 საათზე დაიწყება.

[თამარ თოთაძე, ახალციხე]