ციფრული ტელემაუწყებლობა - გამოსახულება ხარვეზის გარეშე

თუმცა, მომავალი ცვლილების შესახებ ცნობადობა ჯერ კიდევ ძალიან დაბალია. საზოგადოების ნაწილს არა აქვს საკმარისი ინფორმაცია, თუ როგორ მოემზადოს ციფრულ სატელევიზიო მაუწყებლობაზე გადასვლისთვის. სწორედ ამიტომ გადავწყვიტეთ, ვუპასუხოთ იმ კითხვების ნაწილს, რომელიც ხალხს აწუხებს:

- რით განსხვავდება ციფრული სატელევიზიო სიგნალი ანალოგურისგან?

განსხვავება სიგნალის გადაცემის ტექნოლოგიაშია. ანალოგური ტელევიზიის შემთხვევაში სატელევიზიო სიგნალი მაგნიტური ტალღების მეშვეობით გადაიცემა, ციფრული სიგნალი კი – ბაიტების საშუალებით. განსხვავდება სატელევიზიო სიგნალის ხარისხიც. ციფრულ ინფორმაციას კრისტალურად სუფთა გამოსახულება და უმაღლესი ხარისხის ხმა აქვს.

- რა ღირს ციფრული ტელევიზია?

ღირებულება დამოკიდებულია პლატფორმაზე, რომლის საშუალებითაც სატელევიზიო სიგნალს იღებთ. თუ ციფრული სიგნალის მიღება სატელიტის, კაბელის ან ინტერნეტის (IPTV) მეშვეობით გინდათ, ფასი სერვისის პროვაიდერთან უნდა გაარკვიოთ. როგორც წესი, ღირებულება მოიცავს აღჭურვილობის ფასს, თუ ის საჭიროა, და ყოველთვიურ გადასახადს. ეს უკანასკნელი დამოკიდებულია იმ არხების რაოდენობაზე, რომელთა მიღებაც გსურთ.

თუ თქვენ ღია სატელიტური არხების მიღება გინდათ, აღჭურვილობისა და ინსტალაციის ფასზე კონსულტაცია სატელიტური თეფშის ინსტალატორთან გაიარეთ. ხოლო თუ მიწისზედა ციფრული სიგნალის მიღება გსურთ, ციფრული მაუწყებლობის სააგენტოში გაარკვიეთ, თუ რა სახის აპარატურა დაგჭირდებათ.

- ვიღებ თუ არა HD ხარისხს? (მიწისზედაHD)

მიწისზედა ციფრული სატელევიზიო ქსელით შესაძლებელიაHDარხების მიღება. HD პროგრამების საყურებლად თქვენ დაგჭირდებათ:

• HD სეთ–თოფ–ბოქსი ან ტელევიზორი, რომელშიც HD დეკოდერი იქნება ჩამონტაჟებული.
• HD ტელევიზორი (HDTV).
• HDMI კაბელი, რომელიც ტელევიზორსა და სეთ–თოფ–ბოქსს დააკავშირებს.
• HD პროგრამირება.ეს ნიშნავს, რომ მაუწყებლის მიერ მოწოდებული სიგნალი HD ხარისხის უნდა იყოს.

- მივიღებ თუ არა სუბსიდიებს?

სახელმწიფო სერთიფიცირებულ სეთ–თოფ–ბოქსებს იყიდის და „საქართველოს ფოსტის“ რეგიონულ სერვის–ცენტრებს მიაწოდებს იმ სოციალურად დაუცველი ოჯახებისთვის, რომელთა სარეიტინგო ქულა 70 000 ან მასზე დაბალია. შეზღუდული შესაძლებლობის მქონე პირები კიმოწყობილობებს სახლში მიიღებენ.

[sknews.ge]