სამცხე–ჯავახეთი 'საქართველოს ფოლკლორის ეროვნულ ფესტივალს' უმასპინძლებს

საქართველოს ფოლკლორის ეროვნული ფესტივალი 4 ივნისს თელავის სახელმწიფო თეატრში გაიხსნა. ფესტივალის პირველი ტური სამეგრელო-ზემო სვანეთის რეგიონში გრძელდება და 14,15,16 და 17 ივნისს ზუგდიდში ჩატარდება. შემდეგ კი რაჭა–ლეჩხუმსა და ქვემო სვანეთში გადაინაცვლებს. 8,9 და 10 ივლისს კი ფესტივალს სამცხე–ჯავახეთი უმასპინძლებს.

საქართველოს ფოლკლორის სახელმწიფო ცენტრი, საქართველოს კულტურისა და ძეგლთა დაცვის სამინისტროს მხარდაჭერით „საქართველოს ფოლკლორის ეროვნულ ფესტივალს – 2015-2016“ ატარებს. ფესტივალზე წარმოდგენილი იქნება: ხალხური სიმღერა და ცეკვა, ტრადიციული საეკლესიო გალობა, ზეპირსიტყვიერება, სახვითი და გამოყენებითი ხელოვნება, საქართველოში მცხოვრები ყველა ეთნოსისა და ეთნიკური ჯგუფის ფოლკლორი.

[sknews.ge]