ხვალ ასპინძა ფოლკლორულ ფესტივალს უმასპინძლებს

ღონისძიების ფარგლებში საზეიმოდ გაიხსება ასპინძის ომის ამსახველი მონუმენტური ძეგლი. (მისი სიმაღლე 7, ხოლო სიგანე 2,70 მეტრია. იდეისა და ძეგლის ავტორია მოქანდაკე დავით ტაბატაძე, ავტორთან ერთად ძეგლზე იმუშავეს მხატვარ- მოქანდაკეებმა პაატა ნარიმანიშვილმა და მამუკა მაღლაკელიძემ.)

რეგიონალური ფოლკლორული ფესტივალი „ფუძეობა“ კომპანია GeoTourist-ის სოციალური პროექტია (სახალხო დღესასწაული), რომლის მიზანი საქართველოს რეგიონალური კულტურის განვითარების ხელშეწყობა და მხარდაჭერაა. 2017 წელს, ფესტივალი „ფუძეობა“ საქართველოს რვა რეგიონში ჩატარდება, წელს მას პროექტი “CHECK IN GEORGIA”-ც შემოუერთდა. ფესტივალის პარტნიორია ასევე, „საქარათველოს ფოლკლორის სახელმწიფო ცენტრი“, რომლის ორგანიზებითაც, ღონისძიებაზე ფოლკლორის რეგიონალური წარმომადგენლების პროფესიონალური კონცერტი გაიმართება.

ღონისძიების სტუმრებს დღის განმავლობაში, სახვითი და ხალხური რეწვის ნამუშევრების გამოფენებზე, სხვადასხვა კულტურულ ღონისძიებებზე დასწრებისა და სახალხო დღესასწაულისათვის სპეციალურად მოწყობილ ფაცხებში ადგილობრივი სამზარეულოს დაგემოვნების, მეხსური ტრადიციებისა და ადათ-წესების გაცნობის საშუალება ექნებათ.

დღის ბოლოს, პროექტ #Check in Georgia-ს ფარგლებში ნიაზ დიასამიძისა და ჯგუფი 33ა-ს კონცერტი გაიმართება.


პროგრამა:

• 14:00- ასპინძის ომის ამსახველი მონუმენტური ძეგლის გახსნა
• 14:30- ფაცხებთან ( სადაც წარმოდგენილი იქნება ყველა მუნიციპალიეტი) მოხდება სხვადასხვა რაიონის წარმომადგენლების და მათთვის დამახასიათებელი კულინარიის წარდგენა/დეგუსტაცია, სახვითი და გამოყენებითი ხელოვნების ოსტატთა ნამუშევრების გამოფენა-გაყიდვა;
• 14:30 - რეგიონის ფოლკლორული ანსამბლებისა და ინდივიდუალური შემსრულებლების კონცერტი;
• 18:00 - საქართველოს ფოლკლორის სახელმწიფო ცენტრის მიერ ორგანიზებული კონცერტი 60 წუთი;
• 20:00 - გალაკონცერტი: ნიაზ დიასამიძე და 33ა;
• ფეიერვერკი;

[ნინო ნარიმანიშვილი, ასპინძა]