ვინ მიიღებს სამცხე–ჯავახეთიდან მონაწილეობას ფოლკლორის ეროვნულ ფესტივალზე

საქართველოს ფოლკლორის ეროვნული ფესტივალის პირველი, შესარჩევი ტური ახალციხეში, გასული, 2015 წლის 16 ივლისს გაიმართა. მასში მონაწილეობა რეგიონის სხვადახვა მუნიციპალიტეტის წარმომადგენლებმა ფოლკლორის ყველა დარგში მიიღეს. საბოლოოდ, მეორე ტურში გადამსვლელი შემსრულებლები ჟიურის წევრებმა შეარჩიეს.

მათი გადაწყვეტილებით, 12 აპრილს, ქალაქ გორში, გაემგზავრებიან:

1. გია ბერიძე (ახალციხე;)
2. არჩილ ჯინჭველაძე (ახალციხე);
3. კუბლაშვილების საოჯახო ანსამბლი (ახალციხე);
4. ანსამბლი „მესხეთი“ (ხელმძღვანელი ზაზა თამარაშვილი, ახალციხე;)
5. მარიამ ჟუჟუნაძე - ინდივიდუალური შემსრულებელი (ახალციხე, სოფელი მუსხი);
6. ანტონ ბალახაშვილი - ავტორ-მთქმელი (ადიგენი);
7. ქორეოგრაფიული ანსამბლი "ჯავახეთი" (ხელმძღვანელები ვალიკო და ლამარა ქსპოიანები, ახალქალაქი);
8. რობერტ შეშაბერიძე – ავტორ–მთქმელი (ასპინძა);
9. აბულაძე როლანდ – ავტორ-მთქმელი (ასპინძა);
10. ანსამბლი „მზეშინა“ – (ხელმძღვანელი ლელა მუხურაძე, ბორჯომი).

მუსიკის, ქორეოგრაფიისა და ზეპირსიტყვიერების გარდა, ფესტივალში მონაწილეობას მიიღებენ სახვითი და გამოყენებითი ხელოვნების წარმომადგნლებიც. მათი ვინაობა ცნობილი ფესტივალის ფინალურ ტურზე გახდება.

"ფესტივალს საკუთარი დებულება, კრიტერიუმები და მოთხოვნები აქვს. ყურადღება ექცევა ტრადიციულ შესრულებას და არა თანამედროვე სტილში გადაწყვეტილ ხალხურ ნაწარმოებს. მსგავსი ნიშნით შეირჩა მაგალითად მარიამ ჟუჟუნაძე. ის შეიძლება არ არის განსაკუთრებული მომღერალი, მაგრამ თავის თავში ატარებს ტრადიციებს. გადმოსცემს ავთენტურად და ავთენტურობა ჩვენთვის ძალიან მნიშვნელოვანია“, – განმარტავს ფოლკლორის სახელმწიფო ცენტრის რეგიონული პროექტების კოორდინატორი თეონა რუხაძე.

12 აპრილს ფოლკლორის ეროვნული ფესტივალის მეორე ტური ქალაქ გორში, გიორგი ერისთავის სახელობის დრამატულ თეატრში გაიმართება. სამცხე–ჯავახეთთან ერთად მასში მონაწილეობას შიდა ქართულისა და მცხეთა მთიანეთის რეგიონები მიიღებენ. შერჩეული მონაწილეები ფინალში გადავლენ და ავტომატიურად ფესტივალის ლაურეატის წოდება მიენიჭებათ.

[თაკო ფეიქრიშვილი, ახალციხე]