დაეტყო თუ არა ახალციხეს გარემოს დანაგვიანებაზე დაწესებული ჯარიმები

"ნარჩენების მართვის კოდექსის" შესაბამისად, რომელიც მიმდინარე წლის 15 იანვარს ამოქმედდა გარემოს დანაგვიანება კანონით ისჯება. გარემოს დაბინძურებაზე ჯარიმების მინიმალური ოდენობა 50 ლარი, მაქსიმალური კი, 5 000 ლარია. ჯარიმის მოცულობა იმის მიხედვით განისაზღვრება, თუ რამდენად სახიფათოა გადაყრილი ნარჩენი გარემოსთვის, როგორია მისი მოცულობა და ვინ აბინძურებს გარემოს – ფიზიკური პირი თუ ორგანიზაცია.

"სამხრეთის კარიბჭე" დაინტერესდა დაეტყო თუ არა აღნიშნული ჯარიმები ქალაქის სისუფთავეს და ამ საკითხზე ადგილობრივები გამოკითხა.

გამოკითხული მოსახლეობის ნაწილი ამბობს, რომ მიუხედავად არსებული ჯარიმებისა მოსახლეობა ქუჩაში ნაგავს მაინც ყრის. ნაწილი კი ფიქრობს, რომ მოქალაქეები მიეჩვევიან გარემო არ დაანაგვიანონ.

[თამარ თოთაძე, ოთარ აწყურელი, ახალციხე]