საატესტატო გამოცდების მეორე დღე

საქართველოს მასშტაბით ყველა საჯარო და კერძო სკოლაში საატესტატო გამოცდები მიმდინარეობს. გუშინ მეთორმეტეკლასელებმა გამოცდა ქართულ ენასა და ლიტერატურაში ჩააბარეს. მოსწავლეები ამბობენ, რომ პირველი გამოცდა საშუალო სირთულის იყო, თუმცა ახალციხის მესამე საჯარო სკოლის ერთმა კურსდამთავრებულმა ბარიერი ვერ გადალახა.

დღეს გამოცდა უცხო ენაში ტარდება. ახალციხის სკოლებში დაახლოებით 344 მეთორმეტეკლასელია, ხოლო ახალციხის მუნიციპალიტეტის სოფლის სკოლებში 254.

შეგახსენებთ, რომ საატესტატო გამოცდებს სკოლებში საქართველოს შეფასებისა და გამოცდების ეროვნული ცენტრი ატარებს. გამოცდები CAT – ის (კომპიუტერზე ადაპტირებული ტესტირება) პრინციპით ტარდება და მოსწავლეები შედეგებს ადგილზე იგებენ.

რა შედეგით დასრულდება უცხო ენის გამოცდა დღის ბოლოს გახდება ცნობილი. ხვალ კი აბიტურიენტები ისტორიის გამოცდას ჩააბარებენ.

[თამარ თოთაძე, ახალციხე]