საქართველოს პატრიარქს არლის წმინდა ნინოს სახელობის ტაძართან ელოდებიან

ილია მეორე დღეს, 12 მაისს ადიგენის მუნიციპალიტეტის ტერიტორიაზე მდებარე ეკლესია–მონასტრებს მოილოცავს. ამ წუთებში სოფელ არალში წმინდა ნინოს სახელობის ტაძართან პატრიარქის დასახვედრად მრევლი სხვადასხვა ქალაქებიდან არის შეკრებილი და პარტიარქს ელოდებიან.

ამის შემდეგ ილია მეორე არლის შეზღუდული შესაძლებლობის მქონე ბავშვების სკოლას ესტუმრება, სადაც პატრიარქი მათ ნამუშევრებს დაათვალიერებს.

ილია მეორე დღესვე სოფელ უდეში ღვთისმშობლის მიძინების სახელობის ტაძარში ანდრია პირველწოდებულის ხსენების დღესთან დაკავშირებით წირვა–ლოცვას ჩაატარებს. დღის ბოლოს კი ზარზმის მამათა მონასტერს ეწვევა.

13 მაისს უწმინდესი აწყურის ღვთისმშობლის მიძინების სახელობის ტაძარში პარაკლისს აღავლენს, ამის შემდეგ ილია მეორე მესხეთს დატოვებს.

[sknews.ge]