არ აწამო! -სოლიდარობის აქცია ახალციხეში

შეკრებილებმა გუშინ საღამოს მედიით გავრცელებული, პატიმრების წამების ამსახველი ფაქტები გააპროტესტეს.

”ვაპროტესტებთ იმ ძალადობის ფაქტებს, რაც ყველამ ვიხილეთ ტელევიზიით და ძალიან მიკვირს რომ მთელი საქართველო და მთელი ახალციხე არ არის გამოსული. ეს ყველას კარებთან და ყველას ოჯახთან მივა და მე მგონია მისულია კიდევაც! ეჭვი არ შემაქვს ამ კადრების სინამდვილეში და არც მაინტერესებს მისი წარმომავლობა. ფაქტი ვნაზე, ვარ აღშფოთებული და არ შეიძლება ამაზე თვალი დახუჭო”, - აცხადებს ახალიცხელი ინგა ბანკანაშვილი.

აქციას ახალციხის რაიონული სასამართლოს ყოფილი მოსამართლე ნელი ღონღაძეც შეუერთდა: ”ისეთ ქვეყანაში, როგორიც არის საქართველო, ასეთი ფაქტები არ უნდა ხდებოდეს. ჩვენ არ ვიცით ხვალ ვინ სად აღმოვჩნდებით, ვის კარებზე დაიჩოქებს აქლემი, არ არის გამორციხული ყველას კარებზე დაიჩოქოს. ამიტომ, უნდა დავიცვათ ჩვენი უფლებები, ჩვენი შვილების უფლებები. სოლიდარუობას ვუცხადებთ პატიმრებს, მე არ ვიცი ისინი რატომ ზიან, დამნაშავეები არიან, არ არიან. ეს სხვა საკითხია, მტავარი ის არის რომ მათი წამება და დასჯა არ უნდა ხდებოდეს. არ უნდა ხდებოდეს არანაირი მეთოდებით და არა იმ არადამიანური მეთოდებით რაც ჩვენ ვნახეთ. წარმნოუდგენლად მიმაჩნია, თავი სიზმარში მეგონა, აღშფოტებული ვარ ყველანაირად”.

სამოქალაქო სექტორის საპროტესტო, აპოლიტიკურ აქციას ადგილობრივი არსამთავრობო ორგანიზაციებიდან მხოლოდ ახალციხის ახალგაზრდული ცენტრი და ”ტოლერანტი” შეურთდა. აქციაზე მისვლისგან თავს იკავებდნენ მოქალაქეებიც.

”ადამიანის უფლებები არავითრ შემთხვევაში არ უნდა დაირღვეს. ამიტომ ვუერთდებით ამ აქციას”, - განაცხადეს ახალციხის ახალგაზრდული ცენტრის წარმომადგენლებმა.

[ნინო ნარიმანიშვილი, ახალციხე]