‘უნდა მოვერიდოთ ერთმანეთს’ - პაატა იმნაძე

„უნდა მოვერიდოთ ერთმანეთს, მიუხედავად იმისა, რომ ადამიანებმა, რომლებიც აუცილებელ სამსახურში არიან, უნდა გააგრძელონ თავიანთი სამსახური, მაგრამ ისინი როცა ბრუნდებიან ოჯახებში, უნდა მოერიდონ საკუთარ ოჯახის წევრებს“, - აცხადებს დაავადებათა კონტროლის ეროვნული ცენტრის დირექტორის მოადგილე, პაატა იმნაძე.

მისივე თქმით, თუ ადამიანები ერთმანეთს არ მოერიდებიან, დაავადების დამარცხების სხვა გზა არ არის. მისივე თქმით, ინფექცია უკვე ბევრ ისეთ ადამიანს აქვს, რომელმაც არ იცის რომ ინფიცირებულია.

„ჩვენს საზოგადოებაში არის შემთხვევები, რომლებიც ჩვენ არ ვიცით. ისინი ჩვენს გვერდით არიან შეიძლება ჩვენ ყველგან შეგვხვდნენ. ამ ადამიანებმა არ იციან, რომ ისინი არიან დაავადებულები, მაგარმ ისინი შეიძლება იყვნენ უკვე გადამდები. ამიტომ ყველას გთხოვთ, გავითვალისწინეობთ მთავრობის ახალი რეგულაციები და მკაცრად დავიცვათ ისინი. ამით გადავარჩინოთ ჩვენი ახლობლების სიცოცხლე და ჯანმრთელობა“, - განაცხადა ბრიფინგზე პაატა იმნაძემ.

[თაკო ფეიქრიშვილი]