სამცხე–ჯავახეთის უნივერსიტეტში სახელმწიფო 5 ფაკულტეტზე 320 ადგილს დააფინანსებს

განათლებისა და მეცნიერების სამინისტრომ სახელმწიფოს მიერ სრულად დაფინანსებული ფაკულტეტებისა/საგანმანათლებლო პროგრამებისა და ადგილების შესახებ ინფორმაცია გამოაქვეყნა.

წელს სახელმწიფო სრულად დააფინანსებს 79 საგანმანათლებლო პროგრამას, სადაც სწავლის საშუალება 5655 სტუდენტს ექნება.

დაფინანსებული ფაკულტეტების/საგანმანათლებლო პროგრამების ჩამონათვალი და დასაფინანსებელი ადგილების რაოდენობა ასე გადანაწილდა:

• ილიას სახელმწიფო უნივერსიტეტი - 8 ფაკულტეტი/საგანმანათლებლო პროგრამა, 350 ადგილი;
• აკაკი წერეთლის სახელმწიფო უნივერსიტეტი - 14 ფაკულტეტი/საგანმანათლებლო პროგრამა, 970 ადგილი;
• სამცხე-ჯავახეთის სახელმწიფო უნივერსიტეტი - 5 ფაკულტეტი/საგანმანათლებლო პროგრამა, 320 ადგილი;
• იაკობ გოგებაშვილის სახელობის თელავის სახელმწიფო უნივერსიტეტი - 7 ფაკულტეტი/საგანმანათლებლო პროგრამა, 230 ადგილი;
• ბათუმის შოთა რუსთაველის სახელმწიფო უნივერსიტეტი - 10 ფაკულტეტი/საგანმანათლებლო პროგრამა, 460 ადგილი;
• სოხუმის სახელმწიფო უნივერსიტეტი - 8 ფაკულტეტი/საგანმანათლებლო პროგრამა, 200 ადგილი;
• ივანე ჯავახიშვილის სახელობის თბილისის სახელმწიფო უნივერსიტეტი - 10 ფაკულტეტი/საგანმანათლებლო პროგრამა, 1225 ადგილი;
• საქართველოს ტექნიკური უნივერსიტეტი - 18 ფაკულტეტი/საგანმანათლებლო პროგრამა, 1900 ადგილი;

სამცხე–ჯავახეთის უნივერსიტეტში ფინანსდება
• ისტორია – 60 ადგილი;
• ქართული ფილოლოგია – 60 ადგილი;
• ეკონომიკა – 100 ადგილი;
• აგრონომია – 40 ადგილი;
• დაწყებითი განათლება – 60 ადგილი;


განათლების სამინისტროს განცხადებით, სახელმწიფოს მიერ დაფინანსებული ფაკულტეტების/საგანმანათლებლო პროგრამების ჩამონათვალი და დაფინანსების წესის პროექტი დამტკიცდება უახლოეს მომავალში. ინფორმაციის დამტკიცებამდე მონაცემები აბიტურიენტების ინტერესების გათვალისწინებით ქვეყნდება.

სახელმწიფოს მიერ დაფინანსებული საგანმანათლებლო პროგრამების ჩამონათვალი იხილეთ ამ ბმულზე.

[ნინო ნარიმანიშვილი, ახალციხე]