სრულად დაფინანსებული ფაკულტეტების და ადგილების რაოდენობა ცნობილია

განათლების სამინისტრომ სახელმწიფოს მიერ სრულად დაფინანსებული ფაკულტეტების და საგანმანათლებლო პროგრამების ჩამონათვალი, ასევე, ამავე ფაკულტეტებზე და საგანმანათლებლო პროგრამებზე დაფინანსებული ადგილების შესახებ ინფორმაცია გამოაქვეყნა.

2018–2019 წელს სახელმწიფო შემდეგ პროგრამებს დააფინანსებს: აგრარული მეცნიერებები; განათლება; ინჟინერია; მეცნიერება/საბუნებისმეტყველო მეცნიერებები; სოციალური მეცნიერებები; ჰუმანიტარული მეცნიერებები და მიმართულებათაშორისი დარგები და სპეციალობები.

საქართველოს სახელმწიფო უნივერსიტეტებში 107 უფასო პროგრამაზე 5 335 ადგილია:

ივანე ჯავახიშვილის სახელმწიფო უნივერსიტეტი – 9 უფასო პროგრამა და 1 200 ადგილი.

საქართველოს ტექნიკური უნივერსიტეტი – 25 პროგრამა და 1800 ადგილი.

აკაკი წერეთლის სახელმწიფო უნივერსიტეტი – 27 პროგრამა და 790 ადგილი.

ილიას სახელმწიფო უნივერსიტეტი – 8 პროგრამა და 400 ადგილი.

სოხუმის სახელმწიფო უნივერსიტეტი – 9 პროგრამა და 200 ადგილი.

სამცხე–ჯავახეთის სახელმწიფო უნივერსიტეტი – 14 პროგრამა და 285 ადგილი.

იაკობ გოგებაშვილის სახელობის თელავის სახელმწიფო უნივერისტეტი – 6 პროგრამა და 250 ადგილი.

ბათუმის შოთა რუსთაველის სახელობის სახელმწიფო უნივერსიტეტი – 9 პროგრამა და 410 ადგილი.

სამცხე–ჯავახეთს სახელმწიფო უნივერსიტეტში უფასო პროგრამებია: ისტორია, ქართული ფილოლოგია, ინგლისური ფილოლოგია, რუსული და თურქული, ეთნოლოგია და არქეოლოგია. ასევე, ეკონომიკა, საჯარო მმართველობა და მათემატიკა, ინფორმაციული ტექნოლოგიები, ეკოლოგია და აგრონომია.

[მარიამ ბარძიმაძე, ახალციხე]