შსს-მ ახალციხეში ქურდობის სამი ფაქტი გახსნა

შსს–ს ინფორმაციით, გამოძიებამ დაადგინა, რომ მამა-შვილმა – ზეზვა გ-მ და ლუკა გ-მ ფარულად შეაღწიეს ახალციხეში, საფინანსო სააგენტოს ტერმინალის დაცულ ტერიტორიაზე, სადაც „ურალი“-ს მარკის დალუქული ავტომანქანიდან 2 აკუმულატორი მოიპარეს.

გამოძიებამ ასევე დაადგინა, რომ ზეზვა გ-მ, თავის არასრულწლოვან შვილთან, ლუკა გ-სთან ერთად, ახალციხეში, რუსთაველის ქუჩაზე, მოქალაქის კუთვნილი სავაჭრო ჯიხურის მინა ჩაამტვრია, შიგნით შეაღწია და მართლსაწინააღმდეგოდ დაეუფლა ფულს და ლატარიის ბილეთებს.
ლუკა გ-მ კი ახალციხეში, შ.პ.ს „ალფა მარკეტი“-ს ტერიტორიაზე მდებარე მაღაზიაში უკანონოდ შეაღწია და ფული მოიპარა.

სამართალდამცველებმა მოპარული ნივთები ნივთმტკიცებად ამოიღეს. მამა-შვილი აღიარებს ჩადენილ დანაშაულს. გამოძიება ქურდობის ფაქტზე მიმდინარეობს (საქართველოს სსკ-ს 177-ე მუხლით).

[Sknews.ge]