შსს-მ ნინოწმინდაში ქურდობის ბრალდებით ორი პირი დააკავა

შინაგან საქმეთა სამინისტროს ინფორმაციით გამოძიებამ დაადგინა, რომ ბრალდებულებმა, 1964 წელს დაბადებულმა სეირან ჰ.–მ და 1989 წელს დაბადებულმა ვოლოდია ჰ.–მ მიმდინარე წლის 25 აპრილს ნინოწმინდის მუნიციპალიტეტის სოფელ ფოკასთან ახლოს მდებარე მარაბდა-კარწახის მშენებარე სარკინიგზო მაგისტრალიდან 156 ცალი რელსის გადასაბმელი და სხვა მასალები მოიპარეს.

გამოძიებამ ასევე დაადგინა, რომ მოპარული სარკინიგზო მასალების საერთო ღირებულება დაახლოებით 6000 ლარს შეადგენს. სამართალდამცველებმა მოპარული ნივთები ნივთმტკიცებად ამოიღეს. დაკავებულები ჩადენილ დანაშაულს აღიარებენ.

გამოძიება ქურდობის ფაქტზე საქართველოს სსკ-ის 177-ე მუხლით მიმდინარეობს.

[sknews.ge]