აქცია ბერას კონცერტით გრძელდება

ივანიშვილმა რამდენჯერმე მოუწოდა მოსახლეობას დაძლიონ შიში და იბრძოლონ თავისუფლებისთვის.

”აიღეთ ყევლაფერი რასაც ”ნაციონალური მოძრაობა” გთავაზობთ, მაგრამ საარჩევნო ყუთთან შემოხაზეთ 41”, - ასევე რამდენჯერმე მიმართა ამ სოტყებით მან მოსახლეობას.

ივნიშვილმა წლების განმავლობაში მისი მხრიდან საქართველოსადმი გაწეულ დახმარებაზეც ისაუბრა. თუმცა აღნიშნა, რომ ეს ტანხა არასოდეს დაუთვლია. მისი განცხადებით, ხელისუფლება ცდილობს ”უსამართლობისა და ელიტარული კორუფციის მორევში ჩათრეული ქვეყანა ბრჭყვიალა ბუტაფორიად გადააქციოს.

"20 წელია, რაც საქართველომ საბჭოთა იმპერიალიზმს თავი დააღწია, მაგრამ ვერა და ვერ ეღირსა ნამდვილ თავისუფლებას. ამას თავისი მიზეზები აქვს, შინაც და გარეთაც. თუ გვინდა, რომ თავი დავაღწიოთ ამ წარუმატებლობას, მაშინ პირველ რიგში, შინ არსებულ მიზეზებს უნდა დავაღწიოთ თავი. ამდენ ხანს ჩვენ ხან დრომოჭმული ნაციონალური მითებით გვაბრუებდნენ, ხან მექრთამეობას და დატაცებას ლამის ცხოვრების წესად გვიდგენდნენ. ახლა კი იმას ცდილობენ, როგორმე უსამართლობისა და ელიტარული კორუფციის მორევში ჩათრეული ჩვენი ქვეყანა ბრჭყვიალა ბუტაფორიად გადაგვიქციონ. მითხარით ერთი, ეს იყო ქართველების ოცნება? რა თქმა უნდა, არა და რომ არა, სწორედ ამიტომ მოვიდა "ქართული ოცნება", - განაცხადა ივანიშვილმა.

”ძალა ერთობაშია, მხოლოდ ერთად ბრძოლით მოვიგებთ არ არჩევნებს. ქართველი ხალხი გაიმარჯვებს, საქართველო გაიმარჯვებს. ჩვენ ერთად ავისრულებთ ქართულ ოცნებას”,- ამ სიტყვებით დაასრულა გამოსვლა ბიძჳნა ივანიშვილმა.

[თამარ თოთაძე, თამუნა უჩიძე, ახალციხე]