‘ნაციონალური მოძრაობა რომ დამთავრდეს, ამისთვის უნდა დამთავრდეს ქართული ოცნება’ - ფოფხაძე

გედევან ფოფხაძის თქმით, იმის მტკიცება, თუ ვინ არის უარესი, უნდა დასრულდეს.

“მე მიმაჩნია, რომ ამ ვითარებაში გვაქვს ძალიან მარტივი გადაწყვეტილებები მისაღები. "ნაციონალური მოძრაობა" რომ დამთავრდეს, ამისთვის უნდა დამთავრდეს "ქართული ოცნება" და ბატონ გახარიას თუ უნდა, რომ ეს გააკეთოს, რომ დაამთავროს "ნაციონალური მოძრაობა", მე პირდაპირ მოვუწოდებ პრემიერს - დაამთავრეთ "ქართული ოცნება", დამთავრდით როგორც ხელისუფლება და ეს იქნება წინაპირობა იმის, რომ დამთავრდეს "ნაციონალური მოძრაობა”.

9 წელი ვიყავი მე ნაციონალური მოძრაობის ოპოზიციაში და არავისთან მაქვს თავი სამართლებელი, რამდენად თანმიმდევრული ვიყავი, როგორც ოპოზიციონერი. დღეს ქართული ოცნება, უფრო მეტი ნაციონალური მოძრაობა გახდა, ვიდრე ნაციონალური მოძრაობაა. ეს არის რეალობა” – განაცხადა პარლამენტში გამოსვლისას გედევან ფოფხაძემ.

[sknews.ge]