![სამცხე-ჯავახეთში ყველაზე მეტი სასოფლო-სამეურნეო კოოპერატივი შეიქმნა სამცხე-ჯავახეთში ყველაზე მეტი სასოფლო-სამეურნეო კოოპერატივი შეიქმნა](/uploads/posts/2015-04/1429446142_kooperativi.jpg)
სასოფლო-სამეურნეო კოოპერატივების განვითარების სააგენტოს თავმჯდომარემ, გიორგი მიშელაძემ აგრარულ საკითხთა კომიტეტის წევრებს სასოფლო-სამეურნეო კოოპერატივების განვითარების სააგენტოს მიერ განხორციელებული, მიმდინარე და დაგეგმილი პროექტების შესახებ ინფორმაცია მიაწოდა.
გიორგი მიშელაძის განცხადებით, დღეის მდგომარეობით, სასოფლო-სამეურნეო კოოპერატივის სტატუსი მინიჭებული აქვს 753 რეგისტრირებულ კოოპერატივს. მათ შორის 2015 წლის პირველ კვარტალში დარეგისტრირებულთა რაოდენობამ შეადგინა 272 სასოფლო-სამეურნეო კოოპერატივი.
კოოპერატივებში გაერთიანებულია 5032 მეპაიე და მეპაიეთა 22%-ს (1103 მეპაიე) შეადგენენ ქალები. სტატუსის მქონე კოოპერატივებში მობილიზებული კაპიტალი შეადგენს 10 614 666.5 ლარს, ხოლო მობილიზებული მიწის საერთო ფართობი შეადგენს 15 140 ჰექტარზე მეტს.
ანგარიშის მიხედვით, ყველაზე მეტი კოოპერატივი შექმილია სამცხე – ჯავახეთში (119), ქვემო ქართლში (113) და აჭარაში (94).
მიშელაძის თქმით ერთ-ერთი მნიშვნელოვანი მიმდინარე პროგრამაა კოოპერატივების აღჭურვა მცირეგაბარიტიანი აგრო-ტექნიკით პროგრამა ითვალისწინებს:
- მცირეგაბარიტიანი აგრო-ტექნიკის (თითოეულ კომპლექტში შედის მოტობლოკის აგრეგატი, სათიბი, გუთანი, კულტივატორი და ხელის სათესი) შეღავათიან ფასად – 900 ლარად გადაცემას კოოპერატივებისათვის;
- დევნილებისა და ეკო-მიგრანტების მიერ შექმნილ, ასევე მაღალმთიან, სასაზღვრო, თუ გამყოფი ზოლის მიმდებარე სოფლებში რეგისტრირებულ კოოპერატივებს თითო კომპლექტის შესყიდვისას დამატებით გადაეცემათ 1 ხელის სათესი 1 ლარად;
მეკარტოფილეობის კოოპერატივების ტექნიკურ დახმარებაზე საუბრისას, გიორგი მიშელაძემ განაცხადა, რომ სსიპ სასოფლო-სამეურნეო კოოპერატივების განვითარების სააგენტოს ტექნიკური დახმარებით, 9 სასოფლო-განახორციელა 150 ტონა A კლასის კარტოფილის თესლის იმპორტი უშუალოდ მწარმოებელთან გაფორმებული ხელშეკრულების საფუძველზე.
მისივე ინფორმაციით: ENPARD GEORGIA – CARE International-ის პროექტის ფარგლებში შერჩეულია 10 კოოპერატივი. დაფინანსების საშუალო მაჩვენებელი ერთ კოოპერატივზე არის 30 000 ევრო, ხოლო დაფინანსების სრული მაჩვენებელი 300 000 ევრომდეა. თანამონაწილეობა კოოპერატივის მხრიდან-35 % . შერჩეული კოოპერატივების მოქმედების სფეროა: მარწყვის წარმოება (სათბური); ყვავილის წარმოება (სათბური); ჩაის წარმოება და გადამუშვება, თხილის წარმოება და გადამუშავება, სანერგე მეურნეობა, საკალმახე, ვაზის წარმოება.
ENPARD GEORGIA – People In Need (PIN) პროექტის ფარგლებში შეირჩა 28 ფერმერულლი ჯგუფი, რომელთაგანაც 9 კოოპერატივს გადაეცემა თანადაფინანსების გრანტი. საგრანტო დაფინანსების საშუალო მაჩვენებელია 22 000 ევრო, სულ კი 616 000 ევრო. შერჩეული კოოპერატივების მოქმედების სფეროა: რძისა და რძის პროდუქტების წარმოება, ქათმის ხორცის წარმოება, თაფლის წარმოება, მწვანილის წარმოება, მეღვინეობა.
ENPARD GEORGIA – Mercy Corps-ის პროექტის ფარგლებში შეირჩა 52 ფერმერული ჯგუფი, რომელთაგანაც 14 კოოპერატივს გადაეცემა თანადაფინანსების გრანტი. საგრანტო დაფინანსების მაჩვენებლები სულ არის 477,923 ევრო. შერჩეული კოოპერატივების მოქმედების სფეროა: კარტოფილის წარმოება, თხილის წარმოება; ბოსტნეულის წარმოება, სიმინდის წარმოება, თხილის წარმოება, ვაზის წარმოება, თაფლის წარმოება.
ENPARD GEORGIA – OXFAM-ის პროექტის ფარგლებში კაპიტალური ინვესტიციის სრული მოცულობა – 550 000 ევრომდე. შერჩეული ჯგუფების/კოოპერატივების მოქმედების სფეროა: თხილის წარმოება – გადამუშავება, ხილ-ბოსტნეულისა და არამერქნული სატყეო პროდუქტების წარმოება-გადამუშავება, სოკოს წარმოება, სასაწყობე (მ.შ. სამაცივრე) მეურნეობა; მექანიზაცია.
[Sknesw.ge]