რა უნდა იყოს სააღდგომო სუფრაზე [Video]

მთავარი → SK TV » ვიდეო 12.04.2015

რა უნდა იყოს სააღდგომო სუფრაზე – "სამხრეთის კარიბჭემ" ახალციხის ბაზარში სააღდგომოდ პროდუქტების საყიდლად მისული მოქალაქეები გამოკითხა.

დღეს, 12 აპრილს, მართლმადიდებელი ეკლესია იესო ქრისტეს აღგომის ბრწყინვალე დღესასწაულს ზეიმობს. აღდგომის ლიტურგია საქართველოს ეკლესია–მონასტრებში, გუშინ, 11 აპრილს, ღამით დაიწყო და გამთენიისას დასრულდა. 13 აპრილს, საფლავთა კურთხევის დღეა, ამ დღეს მორწმუნეები მიცვალებულთა საფლავზე გადიან.

სააღდგომო სამზადისს დიასახლისები აღდგომამდე რამდენიმე დღით ადრე იწყებენ. მათი თქმით, სააღდგომო სუფრის მოსამზადებლად მინიმუმ 200–300 ლარია საჭირო. ფასები იზრდება, როცა სუფრას გოჭიც ემატება. ადგილობრივთა ნაწილის შედარებით, ბოლო წლებში სააღდგომო სუფრა საახალწლოს დაემსგავსა, რაც ერთგვარი გადაჭარბება და საფლავთა კურთხევის დღის დატვირთვის არასწორი გაგებაა.

თქვენი აზრით, რა უნდა იყოს სააღდგომო სუფრაზე, – ამ კითხვით "სამხრეთის კარიბჭემ" ახალციხის ბაზარში, პროდუქტების საყიდლად მისულ მოქალაქეებს მიმართა, უმრავლესობამ კამერასთან გვითხრა, რომ აუცილებელი ორი ატრიბუტია, წითელი კვერცხი და სააღდგომო ნამცხვარი, პასკა, თუმცა, ინტერვიუს დასრულების შემდეგ უმრავლესობა ხორცის განყოფილებისკენ გაეშურა.

[მანანა სარაშვილი, თამარ თოთაძე, ახალციხე]