სად და რა ფასად შეიძენთ სააღდგომო პროდუქტს

მთავარი, რაც სააღდგომო სუფრაზე უნდა იყოს, შეღებილი კვერცხია. უმეტესობა კვერცხ წითლად ღებავს, შესაბამისად, ახალციხის ბაზარში, აღდგომამდე ორი დღით ადრე, ყველაზე მოთხოვნადი პროდუქტი კვერცი და მისი შესაღები საშუალებებია.

ბაზარში კვერცხის ფასი 27 თეთრიდან იწყება. ქარხნული კვერცხი 27–დან 30 თეთრამდე მერყეობს, შინაური კვერცხი კი 40 თეთრია. გაცილებით ძვირია ციცრის კვერცხი, მისი ფასი 1,5 ლარიდან იწყება.

კვერცხის შეძენა არამხოლოდ ბაზარში, სასურსათო მაღაზიებშიც შეგიძლიათ. თუმცა, ახალციხის მაღაზიების უმეტესობაში მხოლოდ ქარხნული კვერცხი აქვთ.



კვერცხის შესაღებად უმეტესწილად მცენარე ენდროს ფესვებს იყენებენ. ბაზარში ენდროს სიჭარბეა. ერთი კონის ფასი 70 თეთრიდან 1 ლარამდეა. მყიდველები ენდროს რამდენიმე კონას ყიდულობენ. ენდროს ბაზარშიც შეიძენთ და ახალციხის ცენტრში, ყოფილი ბაზრის მიმდებარე ტერიტორიაზე, გარემოვაჭრეებთანაც.

ბოლო პერიოდში კვერცხის შესაღებად ფხვნილებსაც იყენებენ. ფხვნილი არის წითელიც და სხვა ფერებიც. ერთი კოლოფი წითელი ფხვნილი 50 თეთრია. თუ კვერცხის სხვა ფერად შეღებვა გსურთ, ექვსფერიანი შესაღები ფხვნილი შეგიძლიათ იყიდოთ, მისი ფასი 2 ლარია.



ბოლო წლებია ტრადიციად იქცა, რომ სუფრას აუცილებლად უნდა ამშვენებდეს სააღდგომო პასქა. პასქის ფასები მის წონაზეა დამოკიდებული. ყველაზე პატარა პასქას 1,50 ლარად შეიძენთ, ყველაზე მაქსიმალური ფასი კი 7,50 ლარია.

პასქები ძირითადად სასურსათო მაღაზიებში იყიდება.



[მარიამ ბარძიმაძე, ახალციხე]