აღდგომის დღესასწაულთან დაკავშირებით, პენსიონერები პენსიას 12 აპრილამდე აიღებენ

"საქართველოს მთავრობის, შრომის, ჯანმრთელობისა და სოციალური დაცვისა და ფინანსთა სამინისტროების შეთანხმებით და "ლიბერთი" ბანკის მხარდაჭერით მიღებულია გადაწყვეტილება, რომ აღდგომის ბრწყინვალე დღესასწაულთან დაკავშირებით ჩვენი პენსიონერები აპრილის თვის კუთვნილ პენსიას აიღებენ მიმდინარე თვის 12 რიცხვამდე. მიუხედავად იმისა, რომ საპენსიო უზრუნველყოფისთვის განკუთვნილი თანხები გაიცემა ყოველი თვის 15-16 რიცხვში“, – აცხადებენ ფინანსთა სამინისტროში.

სამინისტროს ინფორმაციით, ფინანსთა სამინისტროს სახაზინო სამსახურმა 7 აპრილს „ლიბერთი ბანკში“ უკვე გადაირიცხა საჭირო თანხა.
ფინანსთა სამინისტროს ინფორმაციით, 9 აპრილს თანხა უკვე მიიღეს იმ პენსიონერებმა, რომლებთაც პენსია ერიცხებათ პლასტიკურ ბარათებზე, ხოლო დღეს, 11 აპრილს, პენსიის აღება შესაძლებელია "ლიბერთი" ბანკის ფილიალებში.

[ნინო ნარიმანიშვილი, ახალციხე]