ფინანსთა სამინისტროს საგამოძიებო სამსახურმა ‘ახალციხის მელიორაციის’ დირექტორი დააკავა

როგორც ფინანსთა სამინისტროს მიერ გავრცელებულ განცხადებაშია ნათქვამი, გამოძიებით დადგენილია, რომ ბრალდებულმა, მიმდინარე წლის ზაფხულის პერიოდში, ახალციხის მუნიციპალიტეტის ტერიტორიაზე, მოსახლეობის მიერ გადახდილი სარწყავი წყლის საფასური, 33 070 ლარი, ნაცვლად იმისა, რომ მიემართა „ახალციხის მელიორაციის“ საბანკო ანგარიშზე, თავად, მართლსაწინააღმდეგოდ მიითვისა.

„გარდა ამისა, ბაიდაური დოკუმენტებში ასახავდა, რომ „ახალციხის მელიორაციის“ თანამშრომლებზე ხელფასები გეგმის მიხედვით იყო გაცემული, რეალურად კი დასაქმებულებზე არანაირი ანაზღაურება არ გაცემულა“, – ნათქვამია განცხადებაში.

აღნიშნულ დანაშაულებრივ ფაქტზე საგამოძიებო მოქმედებები გრძელდება 182-ე მუხლით, რაც ითვალისწინებს თავისუფლების აღკვეთას 4-დან 7 წლამდე ვადით.

[sknews.ge]