პენსიები 1–დან 14 რიცხვამდე გაიცემა – გახარია

მისი თქმით, პენსია აქამდე ყოველი თვის 14 რიცხვში ირიცხებოდა, ეს კი ბანკის ფილიალებში დიდი რიგების და დისკომფორტის მიზეზი იყო.

"ეს რიგები პანდემიის პირობებში, დისკომფორტის გარდა, ეპიდემიის გავრცელების მაღალი რისკის მატარებელია. ყველამ კარგად ვიცით, რომ მოხუცები არიან მაღალი რისკის ჯგუფში, ამიტომ ჩვენ საბანკო სექტორთან ერთად მივიღეთ გადაწყვეტილება, რომ პენსიების დარიცხვა და შესაბამისად გაცემა დაიწყება ყოველი თვის პირველი რიცხვიდან 14 რიცხვამდე. ყველა პენსიონერს ეცოდინება თავისი განრიგი, ამას უზრუნველყოფს ბანკი. არანაირი ტექნიკური შეფერხება ან ტექნიკური პრობლემა არ იქნება", – განაცხადა დღეს, 27 აგვისტოს გამართულ ბრიფინგზე გიორგი გახარიამ.

მისი თქმით, აღნიშნული გადაწყვეტილებით, პენსიონერებს შეეძლებათ პენსია მშვიდ გარემოში აიღონ.

"რიგები აღარ უნდა იყოს და ჩვენს პენსიონერებს უნდა ჰქონდეთ შესაძლებლობა, რომ პენსია მთელი საქართველოს მასშტაბით მიიღონ არა ერთ დღეს, არამედ პირველი რიცხვიდან 14 რიცხვამდე თანმიმდევრულად, წყნარად, მშვიდად და რაც ყველაზე მნიშვნელოვანია, ეპიდემიოლოგების რჩევების გათვალისწინებით, რომ არ მოხდეს ეპიდემიის გავრცელება განსაკუთრებით მაღალი რისკის შემცველ პენსიონერებში“, - განაცხადა გიორგი გახარიამ.

[sknews.ge]