აბასთუმანში 'ლიბერთი ბანკის' ფეი–ექსპრესი გაქურდეს

აბასთუმნის ტერიტორიული ორგანოს წარმომადგნელის გიორგი გედევანიძის განმარტებით, ქურდობის ამბავი პირველმა, დღეს, 20 თებერვალს, სამსახურში მისულმა ბანკის თანამშრომელმა ნახა, მანვე გამოიძახა პოლიცია. ფეი–ექსპრესი დაბა აბასთუმნის ადმინისტრაციულ შენობაში იყო განთავსებული.

„ვიცი, რომ ქურდობის ფაქტი მოხდა, მაგრამ დეტალები არ ვიცი. გამოძიება მიმდინარეობს და დაადგენენ. მეც პოლიციის განყოფილებაში მივდივარ“, – განაცხადა „სამხრეთის კარიბჭესთან“ გიორგი გედევანიძემ.

მისივე განმარტებით, რუსთაველის ქუჩა N58–ში მდებარე ადმინისტრაციულ შენობაში „ლიბერთი ბანკის“ ფეი–ექსპრესი დაახლოებით ორი თვის წინ დადგეს.

შინაგან საქმეთა სამინისტროში განმარტავენ, რომ მომხდარს უწყება სისხლის სამართლის კოდექსის 177–ე მუხლის მესამე ნაწილით იძიებს, რაც ქურდობას გულისხმობს.

[sknews.ge]