ქდმ გააქტიურებას დღეიდან გეგმავს

გაერთიანების წარმომადგენელი ზაზა ჩიტაძე ამბობს, რომ სხვადასხვა ტიპის სარეკლამო მასალები, მათ შორის პლაკატები და სტიკერები, ბორჯომიდან გუშინ მიიღეს.

მისივე განცხადებით, ”ქრისტიან-დემოკრატები” ძირითადად აქცენტს ბორჯომსა და ახალქალაქზე აკეთბენ. შეგახსენებთ, რომ გაერთიანებას სამცხე-ჯავახეთის მასშტაბით კანდიდატები მხოლოდ ამ ორ მუნიციპალიტეტში ჰყავს.

ამ დრომდე ქრისტიან-დემოკრატებს წინასაარჩევნო კამპანიისთვის არ გამოუყენებიათ ის შენობები, რაც ადგილობრივმა თვითმმართველობამ პარტიებს ამომრჩევლებთან შესახვედრად გამოუყო. ეს შენობებია სოფლების კლუბები, ახალციხის სამუსიკო და სასპორტო სკოლა და ქალაქ ვალეს სამუსიკო სკოლა.

”აქტიურ კამოპანიას რომ დავიწყებთ, ამ შენობებს ცხადია გამოვიყენებთ”, - აცხადებს ზაზა ჩიტაძე.

[ნინო ნარიმანიშვილი, ახალციხე]